პროექტი „სახლი დიდ დიღომში“ „ჰაიდელბერგ ჯორჯიას“ ბეტონით აშენდება

1 მარტი, 2022

შპს „ბილდერზსა“ და შპს „ჰაიდელბერგცემენტ ჯორჯიას“ შორის გაფორმდა ხელშეკრულება, რომლის საფუძველზეც პროექტ „სახლი დიდ დიღომში“-ს მშენებლობაში სრულად „ჰაიდელბერგ ჯორჯიას“ ბეტონი იქნება გამოყენებული.

ბეტონი შენობის კონსტრუქციის ერთ-ერთი უმნიშვნელოვანესი ელემენტია, ამიტომ მისი ხარისხი განსაკუთრებულ მნიშვნელობას ატარებს. სწორედ ამ მიზნით, „ბილდერზმა“ არჩევანი სამშენებლო მასალების სფეროში ერთ-ერთ მსოფლიო ლიდერზე — „ჰაიდელბერგ ჯორჯიაზე“ შეაჩერა.

„ჰაიდელბერგ ჯორჯია“ საქართველოში 2006 წლიდან ოპერირებს და ცემენტისა და ბეტონის ადგილობრივი ბაზრის ერთ-ერთი წამყვანი კომპანიაა. კომპანიას ეკუთვნის ცემენტის ქარხნები კასპსა და რუსთავში, ცემენტის წისქვილი ფოთში და ცემენტის ტერმინალი სუფსაში.